Подробности

04 Январь 2024

143

23 декабрь көнне «Иман» үзәгенең эшчәнлегенә багышланган чарада  Апанай мәдрәсәсе шәкерте Нурутдинов Җәлилгә Коръәнне тулысынча ятлап бетергән өчен шәһадәтнамә бирелде. Шәһадәтнамә гарәп, инглиз, татар һәм рус телләрендә язылды. Җәлилнең әти-әнисенә, остазы Неккадам Фәйзуллоевка рәхмәт сүзләре җиткерелде һәм бүләкләр бирелде.

Подробности

04 Январь 2024

129

23 декабрь көнне Апанай мәдрәсәсендә Татарстан Республикасы «Иман» мәдәният-мәгърифәт үзәгенең эшчәнлегенә багышланган чара үткәрелде. Бу чарада Татарстан Республикасында игълан ителгән Милли мәдәниятләр һәм гореф-гадәтләр елы кысаларында эшләнгән эш нәтиҗәләре күрсәтелде. Шулай ук танылган татар дин галиме, тарихчы, табиб Таҗетдин хәзрәт Ялчыгол (1768-1838) турындагы документаль фильмның презентациясе булды.

Подробности

30 Ноябрь 2023

136

12-14 ноябрь көннәрендә Бөтендөнья татар конгрессы Татарстан Республикасы Мәгариф һәм фән министрлыгы белән берлектә Казанда I Бөтенроссия «Туган тел» форумы оештырды.

Форумга Россия Федерациясенең 28 төбәгеннән һәм Татарстан Республикасы белем оешмаларыннан 800гә якын татар теле һәм әдәбияты укытучылары һәм мөселман дини укыту оешмалары мөгаллимнәре чакырулы иде.

Подробности

30 Ноябрь 2023

196

10нчы ноябрь көнне Апанай мәчетендә «Хәнәфи мәзһәбе буенча мәетне соңгы юлга озату кагыйдәләре» курсларын тәмамлаучы мөселманнарга һәм мөслимәләргә, шулай ук татар галиме Сөнгатулла Бикбулатовның «Мәбдәүл-кыйраәт» китабы буенча гарәп телен өйрәнгән шәкертләргә  сертификатлар тапшырылды. 

Әлеге чарада Апанай мәчете имам-хатыйбы Нияз хәзрәт Сабиров, Апанай мәдрәсәсе мөдире Әхмәт хәзрәт Сабыр, мөхтәрәм кунак - Бөтендөнья татар конгрессының Аксакаллар шурасы рәисе Рәүф Хәсәнов, мәдрәсә укытучылары һ. б. катнашты.
ТНВ каналы журналисты Апанай мәдрәсәсенең, «Иман» нәшриятының эшчәнлеге турында Әхмәт хәзрәттән интервью алды.

Подробности

30 Ноябрь 2023

157

8нче ноябрь көнне Сембер (Ульян) өлкәсенең Мәләкәс (Димитровград) шәһәрендә «Мөнәҗәтләрдә халкыбызның язмышы» дигән төбәкара мәҗлес узды. Шушы күркәм чарада «Апанай» мәчете имам-хатыйбы, тарих фәннәре кандидаты Нияз хәзрәт Сабиров, «Апанай» мәдрәсәсе җитәкчесе Әхмәт хәзрәт Сабыр, Апанай мәдрәсәсе каршында эшләүче «Апанай апайлары»  иҗат төркеме, Сембер имамнары, мөселманнары һәм башка мөхтәрәм кунаклар катнашты. «Апанай апайлары» борынгы бәет-мөнәҗәтләр әйтте.

Подробности

08 Ноябрь 2023

136

25нче октябрь көнне Апанай мәдрәсәсендә хәнәфи мәзһәбенең танылган галиме Нәҗмеддин Әбү Хәфс Гомәр ән-Нәсәфинең (1068-1142) «Әл-Гакаид ән-нәсәфия» китабы буенча беренче дәрес үткәрелде.
«Әл-Гакаид ән-нәсәфия» китабы һәр мөселман белергә тиеш булган иман мәсьәләләре белән таныштыра. Бу китапны элек-электән татар мәдрәсәләрендә укытканнар, шәкертләр аны яттан өйрәнгәннәр. Татар дин галимнәре Габденнасыйр Курсави һәм Шиһабетдин Мәрҗани бу китапка шәрех (аңлатма) язганнар.
Дәресләр атна саен чәршәмбе көнне гарәп һәм татар телләрендә үткәрелә. Үткәрү вакыты: 18:00-19:00.