• apanay1.jpg
  • apanay3.jpg
  • apanay5.jpg
  • apanay6.jpg
  • apanay7.jpg
  • apanay10.jpg
  • apanay12.jpg
  • apanay30.jpg
  • apanay31.jpg
  • z8a8EZBO0o.jpg
  • zap-image.jpg

Апанай мәчетенә 250 ел тула. Олуг юбилей уңаеннан 27 сентябрьдә ТР Фәннәр академиясенең Ш. Мәрҗани исемендәге Тарих институтында (Казан шәһәре, Батурин ур., 7А) мәртәбәле кунаклар, республиканың күренекле дин әһелләре, галимнәр катнашында «Апанай мәчете: тарихы һәм бүгенгесе» дигән темага фәнни-гамәли конференция уздырыла.

Узган җомгада Апанай мәчете каршындагы мәдрәсәдә Ачык ишекләр көне узды. Апанай мәчете хәзрәтләре, мәдрәсә мөгаллимнәре катнашкан әлеге чарага дини гыйлем алу юлына аяк баскан байтак мөселман кардәшләр - өлкән яшьтәгеләр, балалар килгән иде. Коръән аятьләре укып дога кылганнан соң, килгән кунакларны Апанай мәчетенең имам-хатыйбы Нияз хәзрәт Сабиров сәламләде

20 сентябрьдә көндезге сәгать 2 дә Апанай мәчете каршындагы мәдрәсәдә Ачык ишекләр көне узачак. Гыйлемгә омтылучы, үзен дә, балаларын да һәрьяклап үстерергә теләүчеләрне вакытларын безнең белән бергә файдалы итеп уздырырга чакырабыз.

11 сентябрь көнне Кукмара районының Мәчкәрә авылында “Мәчкәрә мәдрәсәсе галимнәренең дини-рухи мирасы” дигән темага “Икенче Мәчкәрә укулары” республикакүләм фәнни-гамәли конференциясе булды.

Апас районының Олы Бакырчы авылында даими төстә дини чаралар үткәрелеп килә. Авылның имамы Шәүкәт хәзрәт Гайнетдинов дини мәҗлесләрне еш уздырырга тырыша, ул мәҗлесләргә мәктәп укытучыларын да чакыра, бөтен авыл халкын җыя. 10 сентябрьдә узган корбан мәҗлесенә Казанның Апанай мәчете имам-хатыйбы Нияз хәзрәт Сабиров, Апас районының имам-мөхтәсибе Мирхәт хәзрәт Җамалиев, Апас районы башлыгы урынбасары Луиза Сафина чакырулы иде, барлыгы йөздән артык кеше катнашты.

Апанай мәдрәсәсендә Ислам нигезләрен өйрәнү буенча 2019/20 елга уку курсларына язылу бара. Дәресләр октябрь аеннан башлана.