• apanay1.jpg
  • apanay3.jpg
  • apanay5.jpg
  • apanay6.jpg
  • apanay7.jpg
  • apanay10.jpg
  • apanay12.jpg
  • apanay30.jpg
  • apanay31.jpg
  • z8a8EZBO0o.jpg
  • zap-image.jpg

Узган якшәмбедә Апанай мәчетендә, уку елына йомгак ясап, шәкертләр арасында намаз уку бәйгесе үткәрелде. Бәйгедә башлангыч һәм дәвам итүче төркемнәрдә гыйлем алучы 15 яшькә кадәрге 30 лап малай һәм кыз бала катнашты. Мәчеткә аларның остазлары, әти-әниләре дә килгән иде. Бәйге изге Коръән аятьләрен уку һәм дога кылу белән башланып китте.

Үткән ял көнендә Казанның Әмәт бистәсе мәчетендә 15 яшькә хәтле булган кызлар һәм малайлар арасында Коръән ятлаучылар бәйгесе узды. Аны Идел буе һәм Вахитов районнары мөхтәсибәте оештырды.

24 нче март көнне Әтнә районының Чембулат авылы мәдәният йортында балалар арасында Коръән уку бәйгесе үткәрелде. Әлеге бәйгедә Иске Җогып, Яңа Шашы, Кышлау, Чишмәле Сап, Чембулат һәм башка авыллардан килгән кырыкка якын бала катнашты. Бәйгегә шулай ук Казанның Апанай мәчете имам-хатыйбы Нияз хәзрәт Сабиров, Әтнә районы мөхтәсибе Наил хәзрәт Сәгъдиев, балаларның әти-әниләре, авыл халкы да килгән иде.

        Ульяновск өлкәсе Иске Кулаткы районы, Иске Кулаткы бистәсендә дин әһелләре, зыялылар, галимнәр катнашында халкыбызның җәмәгать эшлеклесе, милләтпәрвәр, академик Эдуард хаҗи Әнвәр улы Ганиевнең якты истәлегенә багышланган XIX Кулаткы укулары узды. Анда Апанай мәчете имам-хатыйбы, тарих фәннәре кандидаты Нияз хәзрәт Сабиров та катнашты һәм “Татар зыялы байларының үткәне һәм бүгенгесе” дип исемләнгән фәнни-гамәли конференциядә чыгыш ясады.

        Апанай мәчете каршындагы Милли мәдәният-мәгърифәт үзәгенең читекчеләр остаханәсендә Казанның 149 нчы мәктәбе укучылары булып китте. Алар Илдар абый Шәйхетдинов һәм аның шәкерте Гүзәл Биляндиновадан осталык дәресе алды. Осталар, балаларның һәркайсын станок артына утыртып,каюлы күн сәнгатенә - мәшһүр Казан җөе белән тегәргә өйрәтте.

 

        Уку елының соңгы айлары, гадәттә, күз ачып йомганчы үтә дә китә. Әмма Апанай мәдрәсәсендә сүлпәнлек һич сизелми. Әле киресенчә, яңадан-яңа планнар корып, бәйгеләргә әзерләнеп ятышлары. Ял көнендә уку бүлмәләрендә, остаханәләрдә булып, җитәкчелек һәм мөгаллимнәр белән сөйләшкәч, шундый нәтиҗәгә килдек.