21 апрельдә, Ураза Гаете көнендә, Җомга намазыннан соң Апанай мәчете җитәкчелеге  мәхәллә кешеләренә Иске татар зиратына экскурсия оештырды. Биредә Шиһабетдин Мәрҗани, Галимҗан Баруди, Әхмәтһади Максуди, Сөнгатулла Бикбулатов, Гарифулла Гайнуллин, Каюм Насыйри һәм башка татар дин галимнәре каберләре зиярәт ителде.

Аталган хөрмәтле остаз-хәзрәтләребезнең каберләре янында Коръән укылды, аларның хәзмәтләре, мирасы сөйләнде, аларның рухлары өчен догалар кылынды.