Апанай

Подробности: 17 Ноябрь 2016; 2994

13 ноябрь көнне Казандагы “Мәрҗәни” мәчетендә Әхмәтһади Максудиның “Гыйбадате исламия” китабы буенча викторинаның беренче туры үткәрелде. Бу бәйгедә Идел буе һәм Вахитов районнары мәчетләрендә гыйлем алучы 10-15 яшьтәге балалар катнашты.

Подробности: 13 Ноябрь 2016; 3059

7 ноябрь көнне ТР МДН, Казанның “Ярдәм” мәчете, нәзарәтнең Аксакаллар шурасы татар дин галимнәренә багышланган чара уздырды. Әлеге искә алу мәҗлесендә Татарстан мөфтие Камил хәзрәт Сәмигуллин, аның беренче урынбасары Рөстәм хәзрәт Батров, урынбасарлары – “Ярдәм” мәчете имам-хатыйбы, Казанның Киров һәм Мәскәү районнары мөхтәсибе Илдар хәзрәт Баязитов, “Гаилә” мәчете имам-хатыйбы Рөстәм хәзрәт Хәйруллин, Аксакаллар шурасы рәисе Айрат хәзрәт Әюпов, ТР МДНнең дәгъвәт бүлеге җиткәкчесе, Апанай мәчете имам-хатыйбы Нияз хәзрәт Сабиров, республиканың төрле районнарыннан җыелган аксакаллар, “Ярдәм” мәчете мәхәллә халкы катнашты.

Подробности: 13 Ноябрь 2016; 3686

“Иман” нәшриятында “Әмәли” исемле китап басылып чыкты. Бу китап әһле сөннәт һәм җәмәгать гакыйдәсе буенча бик әһәмиятле хезмәт булып тора. Бу әсәр шигъри юллар белән язылган һәм безне Имам Әбү Мансур Матуриди мәзһәбе гакыйдәсе белән таныштыра. “Әмәли” китабының авторы – Фирганә өлкәсе Ош шәһәрендә туган мәшһүр галим Сираҗеддин Габделхәсән Гали бин Госман әл-Оши.

Подробности: 13 Ноябрь 2016; 3536

Бу китапны Шәех Шиһабутдин бин Сәламә әл-Мисри язды. Китапка кергән хикәяләр урта гасыр гарәп әдәбиятының бер өлеше булып тора. Әлеге җыентыкта пәйгамбәрләр, изгеләр, олуг шәхесләр белән бәйле булган төрле вакыйгалар тәсвирлана, үгет-нәсыйхәтләр бирелә.

Подробности: 13 Ноябрь 2016; 3676

3 ноябрьдә Кукмара Үзәк мәчетендә “Мөселманнар җыены” кысаларында вәгазь кичәсе үткәрелде. Кумаралылар каршында Татарстан мөселманнары Диния нәзарәтенең дәгъват бүлеге җитәкчесе, Казан шәһәренең “Апанай” мәчете имамы Нияз хәзрәт Сабиров чыгыш ясап, “Монафыйкларга хас сыйфатлар” дигән темага тирән эчтәлекле вәгазь сөйләде, икейөзлелекнең асылын аңлатып, аңа хас булган төп өч сыйфат – ялган сөйләү, вәгъдәдә тормау һәм әманәткә хыянәт итү хакында мисаллар нигезендә гыйбрәтле мәгълүмат бирде.

Подробности: 13 Ноябрь 2016; 3647

Татарстан мөселманнары Диния нәзарәте Россия ислам институты белән берлектә уздырган җиденче “Саматов укулары”нда катнашучылар совет чорында яшәгән татар дин әһелләрен зурлап искә алдылар. ТР МДН дәгъват бүлеге җитәкчесе, Апанай мәчете имам-хатыйбы Нияз хәзрәт Сабиров 1967 елның июнендә “Мәрҗани” мәчете имам-хатыйбы булып сайланган һәм шушы вазыйфада 27 ел динебезгә, халкыбызга хезмәт иткән Габделхәбир хәзрәт Яруллин (1905-1994) хакында чыгыш ясады, фотолар күрсәтте.