Казанның Мәрҗани мәчетендә татар халкының сөекле улы, җырчы Илһам ага Шакировның кырыгын билгеләп үттеләр. Коръән мәҗлесендә Апанай мәчете имам-хатыйбы Нияз хәзрәт Сабиров та катнашты. Татарстанның баш казые Җәлил хәзрәт Фазлыевның вәгазеннән соң Нияз хәзрәт Коръән аятьләре укыды. Аннары Илһам аганың рухына багышлап дога кылынды.

        Казанның Мәрҗани мәчетендә татар халкының сөекле улы, җырчы Илһам ага Шакировның кырыгын билгеләп үттеләр. Коръән мәҗлесендә Апанай мәчете имам-хатыйбы Нияз хәзрәт Сабиров та катнашты. Татарстанның баш казые Җәлил хәзрәт Фазлыевның вәгазеннән соң Нияз хәзрәт Коръән аятьләре укыды. Аннары Илһам аганың рухына багышлап дога кылынды.

        Мәҗлестә мәрхүмнең бертуган апасы Зәйнәп апа Шакирова, “Милли Шура” рәисе Васил Шәйхразиев, ТР Дәүләт Советы депутаты Разил Вәлиев, Ислам динен кабул итүгә 1000 ел исемендәге мәдрәсә ректоры Ильяс Җиһаншин, Г.Тукай исемендәге Татар дәүләт филармониясе директоры Кадим Нуруллин, Дәүләт Думасы депутаты Фатыйх Сибагатуллин, Бөтендөнья татар конгрессының Казан бүлекчәсе җитәкчесе Фәрит Мифтахов һәм башка күп кенә җәмәгать эшлеклеләре, дин әһелләре, язучылар, мәдәният хезмәткәрләре катнашты.

                    Салават Камалетдинов фотолары