Апанай мәчете каршындагы дини курслар октябрьдә башланып, май аена кадәр дәвам итә. Мөгаллимнәр һәр теләгән кешегә аның өчен уңайлы вакытта дини белем һәм дини тәрбия бирергә тырыша. Биредә малайлар, кызлар, ир-атлар, хатын-кызлар өчен барлыгы унлап төркем эшли. Коръән уку белән генә шөгыльләнүче аерым төркем дә бар. Мөгаллимнәр барысы да мәдрәсә белеменә яки югары дини белемгә ия. 

Апанай мәчете каршындагы дини курслар октябрьдә башланып, май аена кадәр дәвам итә. Мөгаллимнәр һәр теләгән кешегә аның өчен уңайлы вакытта дини белем һәм дини тәрбия бирергә тырыша. Биредә малайлар, кызлар, ир-атлар, хатын-кызлар өчен барлыгы унлап төркем эшли. Коръән уку белән генә шөгыльләнүче аерым төркем дә бар. Мөгаллимнәр барысы да мәдрәсә белеменә яки югары дини белемгә ия.
- Апанай мәчете – дини дәресләр белән беррәттән балаларга милли сәнгатебезне, борынгы һөнәрчелекне өйрәтүче бердәнбер мәчет! Дәресләрне татар телендә алып барырга тырышабыз. Иртәнге якта дин дәресләре укытсак, өйлә намазыннан соң ир балаларны - күн эшләнмәләр, кызларны бисердан беләзек-муенсалар ясарга; шәригать кысаларында рәсем сәнгатенә өйрәтәбез, - дип сөйләде мәчетнең имам-хатыйбы Нияз хәзрәт Сабиров.