Апанай мәчетендә мәктәп яшендәге балалар өчен Ислам нигезләре буенча җәйге дәресләре уза

{xtypo_dropcap}А{/xtypo_dropcap} панай мәчетендә мәктәп яшендәге балалар өчен Ислам нигезләре буенча җәйге дәресләре уза.

Малайлар өчен әлеге курслар 2 июльдән алып 14 июльгә кадәр үтте.

Хәзерге вакытта кызлар өчен дәресләр дәвам итә. 16 июльдә башланган дәресләр 28 июльгә кадәр сузылачак.

Балалар Ислам нигезләрен һәм әхлакый принципларын өйрәнәләр. Дәресләрдән тыш яшь мөселманнар өчен мәдәни чаралар, төрле мастер-класслар, күренекле кешеләр белән очрашулар үткәрелә. Шулай ук балалар өчен спорт уеннары да каралган.

Укытучылар һәм тәрбиячеләр – «Мөхәммәдия» мәдрәсәсен тәмамлаучылар.

29 июль көнне балалар һәм аларның ата-аналары белән танылган татар галиме Каюм Насыйриның туган авылына бару планлаштырыла.