Подробности

03 Октябрь 2022

197

23нче сентябрь көнне Апанай мәчетендә ике атналык "Хәнәфи мәзһәбе буенча мәетне соңгы юлга озату кагыйдәләре" курсларын тәмамлаучы 72 мөслимәгә сертификатлар тапшырылды.

Әлеге чарада Апанай мәчете имам-хатыйбы Нияз Сабиров, Апанай мәдрәсәсе мөдире Әхмәт хәзрәт Сабыр, курсларда дәресләрне бирүче Гүзәл ханым Шәйдуллина һәм курсларны оештырырга ярдәм итүче Сания ханым Закирова катнашты.

Подробности

16 Август 2021

413

Өркеш авылы мәхәлләсе оешуның 20 еллыгы уңаеннан, 8нче августта Кукмара районы Өркеш авылы мәчетендә “Өркеш укулары” үткәрелде. Дини җыен «Дини уку йортларында укучыларны хезмәт белән тәэмин итү» темасына багышлап үткәрелде.

Әлеге чараны олылап килгән кунаклар арасында Татарстанның баш казые Җәлил хәзрәт Фазлыев, Казанның Ислам динен кабул итүгә 1000 ел исемендәге мәдрәсә мөдире Ильяс хәзрәт Җиһаншин, Россиянең һәм Татарстанның мөслимәләр берлеге җитәкчесе Наилә ханым Җиһаншина, Кукмара районы имам-мөхтәсибе Рәдиф хәзрәт Тимергалиев, шулай ук Арча, Мамадыш, Саба районнары мөхтәсибләре, Кукмара мәдрәсәсе мөдире Ришат хәзрәт Курамшин, Мамадыш мәдрәсәсе мөдире Габдрахман хәзрәт Хәбибуллин һәм башка дәрәҗәле кунаклар, имамнар, дин эшлеклеләре бар иде.

Подробности

26 Июль 2021

443

19 июльдә Казанда күренекле дин әһеле, мәгърифәтче, нәшир, “Иман” нәшриятына нигез салучы, педагог, тарихчы һәм Ислам яңарышы башында торган “Апанай”  мәчете имам-хатыйбы Вәлиулла хәзрәт Якуповны искә алу чаралары узды. Билгеле булганча, ул моннан 9 ел элек фаҗигале рәвештә вафат була. Шул көнне иң элек бер төркем дин әһелләре Казанның Самосыровода урнашкан мөселман зиратында Вәлиулла хәзрәтнең каберен зиярат кылды, Коръән укып, дога кылды.

Подробности

16 Июль 2021

502

Аллаһның рәхмәте белән Апанай мәдрәсәсендә мәктәп яшендәге балалар өчен Ислам нигезләре буенча  җәйге дәресләр узды. Кыз балалр өчен курслар 7 июньнән 19 июньгә кадәр, ә ир-балалар өчен 21 июньнән 3 июльгә кадәр дәвам итте. Балалар дини белемнәре һәм яшьләре буенча төркемнәргә бүленеп ике атна дәвамында булган белемнәрен ныгытып, фикх, гакыйдә фәннәре буенча яңаларын өстәделәр һәм Коръән дәресләрендә яңа сүрәләр өйрәнделәр.

Подробности

26 February 2021

603

Габделхак хәзрәт Каюмов дәһрилек чорында, рәсми рәвештә ислам динен өйрәнү тыелган вакытта, дини белемгә мохтаҗ булганнарга һәрвакыт ярдәмен күрсәтергә тырышты. 

Габделхак абый Каюмов 1921 елның 2 мартында Татарстан Җөмһүриятенең Кукмара районы Ядегәр авылында дөньяга килгән.

Подробности

22 Октябрь 2020

644

17 октябрь көнне Апанай мәдрәсәсенең конференц-залында Казан ханлыгы яулап алынганда вафат булган бабаларыбызны, бай әдәби мирасыбызны искә алуга багышланган чара узды. Бу кичәне Татарстан​ Республикасының «Иман» мәдәният-мәгърифәт үзәге оештырды. Әлеге чара Изге Коръән аятьләрен уку һәм бабаларыбыз рухына дога кылу белән башланды. Кичәдә мәртәбәле кунаклар катнашты.